作者 许天贤 2002.02.24

（请用福佬话读）

 
　　主阮的上帝，你是创造宇宙的主宰！伫新正年头的时阵，阮用 谦卑的心，来到你的面前，恳求你赦免阮的罪：因为伫过去的日子 ，阮虽然承受你的救恩，总是阮也辜负你的疼。你赏赐阮有日光、 雨水、青翠的草埔、美丽的山河，总是阮却不晓好好来领受，保惜 此款美的环境，致到互你来受气，通过土石流、山崩地裂来提醒阮 来反省。主啊！求你赦免阮的罪！

　　主阮的上帝，你是施恩的上帝！伫新正年头，阮用感恩的心来 到你的面前，献上阮的感谢：虽然阮常常得罪你，惹你受气，总是 你犹原用恩典做年冬的冕旒，对年头到年尾，你引导阮的脚步。虽 然有时遇着风台；有时景气丑；有时治安的乱象互阮心艰苦；有时 有亲人朋友死失，互阮心痛疼；犹久你保守扶持阮脚步，坚固阮的 信。因为阮知凡事有你的旨意，阮要用感恩的心来顺服你的旨意。

　　主阮的上帝，你是听人祈祷的上帝！伫新正年头，阮好胆来到 你的面前向你祈求：伫新的一年，保守阮的身心灵，互阮会行伫你 的光明中，无致到犯罪；赏赐阮有感恩的心，来领受你所互阮美的 环境，也会好好来保惜；互阮有坚固的信仰，伫患难中忍耐，窘迫 中吞忍，悲伤中受安慰，死失中有复活的确信。

　　主阮的上帝，阮头前的路恳求你来引导，互教会得到进步，成 做社会的光灯，信徒能通时常亲近你，爱读你的话，成做生活中的 气力，来向多多人见证你的圣名，互福音成为台湾人的向望，复导 阮的国家走向光明的大路。

　　靠主耶稣名求，阿们。

 
本文原刊载于「耕心周刊」，经耕心同意，授权本中心使用。
若您欲转载本文，请先取得耕心同意。